Udin, al torne il cine tal viert

L’Istât e fâs vignî voie di stâ tal viert e il parc “Loris Fortuna” in Zardin Grant a Udin al torne a mudâsi ancjemò une volte intune sale cinematografiche sot lis stelis par dute la citât. Di Joibe ai 25 di Jugn e fint ae fin di Avost, ogni serade al sarà presentât un cine diferent, cjapant dentri lis primis programazions, i classics di cult, i tribûts, i sucès, i events, lis rassegnis e par sigûr i miôr cines de stagjon, cuntun program curât une altre volte dal CEC – Centro Espressioni Cinematografiche pal Comun di Udin. Il grant schermi tal viert si vierzarà la prime sere ator lis 8 e mieze, cuant che al tache al rivâ il scûr, cun “Backrooms”, un classic za di cult, fat di un regjist di 21 agns! Il program al sarà dividût, come simpri, in sezions tematichis; cun di plui, ducj i cines talians e europeans a parteciparan ae campagne “Cinema Revolution” e i biliets a costaran dome trê euros e 50. (A.I.) – 24.06.2026