Trê stelis de cjançon par “Friuli Doc”

Trê nons, trê seradis, trê manieris diferentis di cerçâ la musiche. “Friuli Doc” 2026 al comuniche i ospits pal grant palc di place Libertât pe sô trentesime seconde edizion, dai 10 fint ai 13 di Setembar. Une secuence progjetade par traviersâ gjenerazions, lenghis e publics, puartant trê artiscj innomenâts de sene musicâl taliane tal cûr de citât. Par vierzi il program musicâl di joibe ai 10 e torne invezit il Festival de Cjançon Furlane in place. Su chel stes palc di sene gran, vinars ai 11 al rive Francesco Renga, une des grandis vôs de musiche taliane, nassût propit a Udin ai 12 di Jugn dal 1968. Sabide ai 12, la place e cambie ritmi cun Fabio Rovazzi, al centri di un spetacul progjetât par tirâ dentri il public cu la musiche, la energjie, la ironie e une lungje schirie di tocs di sucès. Domenie ai 13 al siere il tercet di stelis de musiche taliane il rapper, cjantautôr e produtôr Dargen D’Amico. Cheste e je dome une part di une ufierte musicâl plui largje, che par dut il festival e traviersarà il centri de citât , cun concierts in placis stradis e i altris spazis de fieste. (A.I.) – 24.08.2026