Al è rivât biadelore il moment dal conciert che plui di ducj al è daûr a impià il public dal “Volo del Jazz” 2025, il festival inmaneât dal circul Controtempo di Cormons. Chest event al pant poesie, al sa di mâr e di tieris dal Nord, di elegance europeane, e di chê rare alchimie che e sucêt dome cuant che trê campions a decidin di respirâ musiche al stes ritmi. Sabide ai 29, il teatri “Zancanaro” di Sacîl al darà acet a “Mare Nostrum”, il tercet formât di Paolo Fresu, Richard Galliano e Jan Lundgren. Nassût cuasi par câs tal 2005, tante che esperiment cun a pene trê concierts in Svezie, il progjet al è deventât une des bandieris plui luminosis dal gnûf sunôr european intai ultins vincj agns. Il trompetist sard, l’armonicist francês e il pianist svedês si cjatin intune regjon di confin divierse di ogni altre, là che si intreçin la musiche jazz, il folk e la classiche. (A.I.) – 27.11.2025
Foto di R. Cifarelli
