Trê ghitaris spagnolis in Italie pe prime volte

Manuel González, Xavier Coll e Luis Robisco a son i trê mestris de ghitare spagnole, preseâts e cognossûts in dut il mont cul non di Barcelona Guitar Trio, un dai progjets plui preseâts tal mont de musiche spagnole. A àn concuistât il public e i critics cul lôr lengaç universâl, dulà che la tecniche perfete si fonde cuntune profonde sensibilitât artistiche. In compagnie dal percussionist Lucas Balbo e di José Manuel Alvarez e Carolina Morgado, doi balarins di flamenco, lis trê ghitaris a son in dialic sul palc tant che vôs di une uniche orchestre, creant paisaçs sunôrs di grande intensitât. Daspò di plui di 100 milions di visualizazions in rêt e di 1.200 concierts cun passe 1 milion di spetatôrs in dut il mont, a rivin biadelore in Italie. La lôr prime e uniche date – inmaneade di VignaPR in colaborazion cun FVG Music Live – e sarà vinars ai 16 tal Teatri gnûf “Giovanni di Udine”. (A.I.) – 15.01.2026