Prime vision regjonâl pal gnûf apontament de serie “Fila a Teatro” inmaneade di Molino Rosenkranz: “Fiabe a Colori”, Flabis coloradis, domenie al Prin di Fevrâr aes cinc sot sere tal teatri “Vittoria” a Feagne, e mostre che lis peraulis a puedin vuarî e nudrî, tant che il mangjâ. E e met in evidence la impuartance magjiche des storiis par fruts, la impuartance de fantasie, de imagjinazion e dai insiums. Un spetacul sedi pai fruts sedi pai adults, la premiade produzion de compagnie Teatro dell’Orsa (de Emilie-Romagne), scrite e recitade di Monica Morini, e rapresente trê storiis par ridi in libertât intal mieç dal incjant dai prâts, di reams in riviel e di rais di aur, compagnâts des musichis di Mozart, Vivaldi e Bach. (A.I.) – 30.01.2026
Foto di G. Nenna
