Trê dîs cu la danze contemporanie di Araerea

La rassegne di teatri “Connessioni” ideade di ArtistiAssociati, centri di produzion teatrâl, te sale “Bergamas” di Gardiscje, e va indevant cu la danze contemporanie,cuntun progjet speciâl de compagnie Arearea di Udin che al dure trê dîs, par valorizâ il teatri tant che lûc di sperimentazion di gnûfs lengaçs di espression. Al centri des trê seradis “Petit”, une coreografie di Alessio Maria Romano, “Leon di arint” ae bienâl dal teatri tal 2020, un autôr che al colabore cu la compagnie vuidade di Marta Bevilacqua e Roberto Cocconi par une gnove creazion origjinâl. Ogni sere, prime di chel spetacul, r sarà presentade une altre coreografie, tacant miercus ai 12 di “Circe” di Valentina Saggin, joibe ai 13 “Wonder, love!” di Roberta Maimone e vinars ai 14 “H.A.N.D. – Have a Nice Death. (A.I.) 12.11.2025