Trê corâls e une orchestre par sunâ l’ultin Mozart

Trê corâls regjonâls – la “Città di Trieste”, la “Gilberto Pressacco” di Udin e la “Zoltan Kodaly” di Passions – e la orchestre de Universitât di Udin, direte di Davide Pitis, adun cul tenôr Tommaso Zanello, il bas Riccardo Corona, la mieç sopran Chiara Alloi e la sopran Martina Candido. A si cjataran ducj insiemi par interpretâ la opare mestre sacre di Mozart, la sô ultime composizion, la “Messe di Recuie in Re minôr, K. 626.” Al è l’ultin event de vincjesim tierce edizion de schirie di”Concierts di S. Martin in Cjargne”, un apontament impuartant, in program par sabide ai 22, dongje de fieste di Sante Catarine, la patrone de musiche e dai musiciscj, te catedrâl di S. Martin a Tumieç. (A.I.) – 21.11.2025