Trê cines pe finâl dal Festival di Spilimberc

Il festival “Le giornate della Luce” (Lis zornadis de lûs), in program a Spilimberc dai 6 ai 14 di Jugn, dedicât ai “mestris” de fotografie cinematografiche, al à anunziât i trê cines che a concorin pal premi “Quarzo di Spilimbergo – Light Award”, un ricognossiment dât ae miôr fotografie di un cine talian de ultime stagjon. Il festival, ideât di Gloria De Antoni e diret cun Donato Guerra aromai di dodis agns, al à sielzût trê cines une vore diferents, ma cuntune fuarte etenzion aes imagjins. Lis peliculis selezionadis de jurie a son “Duse” di Pietro Marcello, cu la fotografie di Marco Graziaplena, un ritrat intim de atore Eleonora Duse tai ultins agns de sô vite; “Fuori” di Mario Martone, une storie di preson cu la fotografie di Paolo Carnera; “Sotto le nuvole” di Gianfranco Rosi, autôr ancje de fotografie, cuntune citât di Napoli in blanc e neri. In Jugn a saran assegnâts il Premi dai Zovins (students des scuelis e universitâts talianis e europeanis) e il Premi dal Public. (A.I.) – 30.04.2026