Travês al impie lis lûs dal Nadâl cu la musiche

Si intitule “Christmas Lights”, lis lûs dal Nadâl, il spetacul che joibe ai 22 aes 8.45 di sere e sarà di sene al Auditorium comunâl di Travês e che al viodarà protagonist il Freevoices Show Choir, diret di Manuela Marussi. tant che i recital dai agns passâts, che a son stâts preseâts dal public regjonâl, (Magic Xmas, Christmas Voices …), la gnove rapresentazion si môf alternant la fuarce dal spiritual e dal gospel a lis cjantadis de tradizion popolâr, fin aes sugjestions des musichis de Gnot Sante. Intal spetacul, il Freevoices Show Choir al sarà acompagnât al piano di Gianni Dal Zotto, al violin di Laura Grandis, a lis percussions di Francesco Pandolfo e al bas di Ricacardo Pitacco. (A.I.) – 20.12.2022