Toffolo e Ninetto Davoli par presentâ un classic di Pasolini e Totò

Martars ai 8 al torne sul grant schermi di Cinemazero a Pordenon e miercus ai 9 al Visionario di Udin la retrospetive dedicade a Pier Paolo Pasolini, al cuint apontament. La iniziative, intal centenari de nassite, e vûl dâ vôs al inteletuâl traviers lis sôs oparis e fasint fevelâ cui che i à dedicât un lunc percors artistic. Tant che il dissegnadôr di Pordenon, Davide Toffolo, che in ocasion de proiezion di “Uccellacci e uccellini”, al presente la sô graphic novel “Intervista a Pasolini”, inte gnove edizion publicade di VivaComix: un lavôr che al à contribuît a consacrâ il musicist dai Tre allegri ragazzi morti tant che un dai plui impuartants autôrs di romançs a fumets de sene taliane, ancje. A presentâ la serade, ancje un intervent video di Ninetto Davoli, protagonist dal cine intune cun Totò. (A.I.) – 07.11.2022