The Kolors in conciert te capitâl europeane de culture

Un dai plui innomenâts grups musicâi talians, un di chei plui preseâts di zovins, al sunarà dentri di “GO!2025” tal dì che il Zîr de Italie di ciclisim al passe pe regjon, rivant propit tes doi citâts che a son capital europeane de culture, Gurize e Gnove Gurize. La decime cuarte tape di sabide ai 24, che e tache di Trevîs, e passarà di ca e di là dal confin, par rivâ ator des 5 di dopomisdì a Gnove Gurize. Propit alì, in vie Kidričeva dongje dal municipi, a sunaran aes 8 sot sere The Kolors: dome une piçule part di un program di events su dutis e dôs lis bandis dal confin. (A.I.) – 23.05.2025