“Teatron” di Udin, a tachin i abonaments

Il teatri gnûf “Giovanni da Udine” al tache di martars ai 2 di Setembar la campagne dai abonaments pe vincjesime novesime stagjon di prose, musiche, opare, oparete e danze. I prins a saran chei che a vuelin confermâ il lôr puest, ven a stâi i abonâts de stagjon passade che a àn decidût di sielzi ancje la gnove programazion. Po dopo si larà indevant cui cambiaments di puest ai 17 e 18 di Setembar e dai 20 si vierzin ancje i gnûf abonaments. Il gnûf cartelon è è larc e svariât: sul palc a saran cetancj protagoniscj dal Mont dal spetacul preseâts e preseadis dal public: Ale e Franz, Simone Cristicchi, Filippo Dini, Drusilla Foer, Vanessa Gravina, Ottavia Piccolo, Massimo Popolizio, Emilio Solfrizzi, Giuseppe Zeni… E po dopo, compagniis di danze, orchestris sinfonichis internazionâls, grancj diretôrs e soliscj, cun passe sessante apontaments sielts dai trê diretôrs artistics Roberto Valerio, Paolo Cascio e Fiorenza Cedolins. (A.I.) – 01.09.2025