Cu la interpretazion supierbeose di Ambra Angiolini, “Oliva Denaro” al rive sabide ai 8 li dal “Giovanni da Udine” e domenie ai 9 tal Teatri Comunâl di Cormons, che in pratiche al è za dut plen! Il spetacul al è gjavât dal romanç di Viola Ardone, cu la dramaturgjie di Giorgio Gallione (che al è ancje il regjist) in colaborazion cu la stesse Angiolini e lis musichis di Paolo Silvestri. Il romanç al tache di une storie vere: chê di Franca Viola, la fantate siciliane che a metât dai agns Sessante e je stade la prime, daspò di jessi stade violentade, a refudâ chel che i disevin “matrimoni riparadôr”. Il romanç al cjape ispirazion di chê vicende e le ricostruìs intune storie di cressite e di emancipazion che e scandaie lis contradizions dal amôr. (A.I.) – 07.02.2025
Foto di L. Pozzo
