Te Vile Manin ancje i Duran Duran

L’Istât che e rivarà e darà un bon acet a un dai grups plui influents de storie de musiche: i Duran Duran, une potence globâl dai agns Otante dal 1900, che a son tornâts a definî il lengaç dal pop e dal rock, influençant gjenerazions di artiscj e vendint passe 100 milions di discs. Il grup, vuidât di Simon Le Bon e dai siei compagns de band, al à anunziât trê concierts in Italie, ognidun intun spazi diferent, evocatîf e prestigjôs. Daspò de Arene di Verone e il Palaç Reâl di Caserta, sabide ai 11 di Lui a saran te Vile Manin di Passarian par une serade promovude de Regjon F-Vj, dentri dal program “GoToPordenone&Friends”: la uniche date pensade ancje pai passionats austriacs, cravuats e slovens. I biliets a saran in vendite in rêt a tacâ des dîs di matine di vinars ai 20. (A.I.) – 17.02.2026