Tal Zardin grant si impie ancjemò il cine al viert

Tal Zardin grant di Udin e torne a tacâ la lungje stagjon ‘cjalde’ dal cine tal viert. Il schermi si impie di miercus ai 25 tal zardin “Loris Fortuna” pe iniziative inmaneade dal Comun di Udine par “UdineEstate” cu la colaborazion dal CEC, dal “Visionario” e de mediateche “Mario Quargnolo”. Il prin cine presentât, di cuant che al tache a fâ scûr, sot dal segn de velocitât, al è “F1-Il film”, cun protagonist Brad Pitt te part di un ex pilote dai agns Nonante. (A.I.) – 24.06.2025