Tal borc de stazion, jazz ancje tal viert

La musiche dal vîf e torne a dâ vite al borc de stazion di Udin. In spiete de scree di “Udin&Jazz”, il Spazio35 al torne a presentâ la rassegne “Biblioteca in Jazz”, un event estîf in citât che par cuatri martars un daûr di chel altri al puartarà cualchidune des figuris plui interessantis de sene jazz regjonâl e taliane in vie Caterina Percoto. La iniziative, promovude de Biblioteca dell’Africa e di Time for Africa cu la direzion artistiche di Simone Serafini, e mudarà via Percoto intun spazi viert a musiche, incuintris e socializazions. I concierts a si davuelzaran dentri dal Spazio35 e ancje fûr, tirant dentri dut il borc. Ducj i events a son a jentrade libare cence sore nuie e a scomencin aes 6 e mieze di dopomisdì. Ogni serade SI vierzarà cu lis “Pillole di Jazz:,” intervistis curtis curadis di Flaviano Bosco e dedicadis aes figuris plui influentis de storie dal jazz. La serie e tache martars ai 9 di Jugn cun “Senza troppo rumoro”, un tribût a Gianmaria Testa, sunât di Lory Cargnelutti, Nadia Scarpini, Clorindo Bosco, Fiorenzo Gobbo e Giovanni Pezzetta. L’incuintri prime dal conciert al sarà dedicât a Miles Davis. Martars ai 23 di Jugn al sarà protagonist il Desert Trio, intant che e il tercet Francesca Bertazzo al sierarà la rassegne martars ai 30. (A.I.) – 08.06.2026