La decime novesime edizion di “EnoArmonie”, la rassegne culturâl inmaneade de associazion musicâl “Sergio Gaggia” di Cividât, si siere domenie ai 25 aes 6.30 di dopomisdì suntun palc di ecezion: la Ara Pacis di Migjee, il maestôs monument che al celebre la pâs e al rapresente un monitori cuintri lis vueris di dut il mont. A interpretâ chest messaç al sarà il pianist Sebastian Di Bin, di agnorums un svant de nestre regjon, che al sunarà un program particolâr cuntun teme che e passe i gjenars: la trascrizion. Compagnât di Guido Barbieri, storiche vôs di Rai Radio 3, al sunarà la sô version di oparis di Whitney Houston, Michael Jackson e i Queen, ma ancje Schubert, Liszt e Korsakov. (A.I.) – 24.05.2025
Suns di pâs sul monument cuintri lis vueris
104