Sunôrs di vuê ma ancje antîcs par sierâ Folkest

“Folkest” al siere la 44e edizion a Udin, vinars ai 26 aes 9 di sere in Place Libertât, cun “Cuarante agns di musiche furlane cui Bintars e La sedon salvadie”, une serade di sunôrs di vuê, ma cun savôrs antîcs. I Bintars a son protagoniscj di un lunc viaç, tacât cuant che intal 1977 Roberto Tonutti e Angelico Piva, musicist di esperience solide, cressût a Milan ma grant apassionât de musiche popolâr dal so Friûl, a decidin di fondâ un grup musicâl cun Eliseo Jussa e il so stîl unic su la armoniche diatoniche. Fondât intal 1982, il grop La Sedon Salvadie (vuê a son Andrea Dal Favero, Lino Straulino, Luca Boschetti e Fulvia Pellegrini) al è stât il prin a interpretâ cuntun spirt gnûf la musiche tradizionâl di une regjon dulà che diferentis minorancis etnichis a convivin di secui. (A.I.) 25.08.22