Sul palc un avignì di mârs plens di plastiche e cence pes

A Tresesin miercus ai 11 al debute un gnûf spetacul, “WaterProof” de compagnie Drammadilli, in sene intun lûcs strani: la caserme Sante Patussi, al confin cun Reane. E je dome che la prime di dîs tapis in regjon, cuatri ator pe Italie e un in Slovenie par un spetacul ambientât intun avignì no masse lontan, la che i mârs a son scjafoiâts de plastiche il pes al è dome che une liende. Une opare di denunzie che e vûl stiçâ ducj a tignî cont dal ambient, ufrint al public une esperience par ducj i sens, la che il lengaç dal teatri al devente un spazi di riflession, fat dentri di une struture tirade sù a pueste pal spetacul, une sorte di cubul in len e plastiche riciclade. Daspò di Tresesin, il spetacul al larà a Pagnà e Codroip. (A.I.) – 10.06.2025