Sul palc la storie dai students che a lassin la scuele

Un dialic penç e dret, cence retoriche, bon di fevelâ in maniere oneste cul mont dai adolessents e dai grancj che a son clamâts a scoltâlu. “Se te ne vai” (Se tu vâs vie) al è il spetacul pes scuelis mediis e superiôrs in cartelon fint a joibe ai 26 tal Teatri “Palamostre” di Udin e po dopo, di lunis ai 2 di Març e fint a sabide ai 7, intes scuelis de Basse, te suaze de Stagjon di “ContattoTIG” – Teatri pai zovins e pai fruts. Scrit de autore e atore francês Kelly Rivière e voltât di Francesca Ritrovato, la atore che e je sul palc cun Kevin Di Sole, il spetacul al è diret dal regjist udinês Andrea Collavino, che al puarte sul palc di sene dôs solitudins dal dì di vuê, tratant il teme delicât di chei che a lassin la scuele. (A.I.) – 24.02.2026