Sucès pal conciert dal Prin di Mai a Udin

La prime edizion di “Primo Maggio Udine” (Prin di Mai a Udin) e je stade un sucès che nissun si spietave. L’event, che si è tignût vinars in place Venerio, al à jemplât pardabon dut il lûc sielt, ancje lis zonis laterâls. I organizadôrs a stimin une partecipazion totâl di 7 mil o ancje 8 mil personis, des 4 di dopomisdì fint a dopo miezegnot. Plui di ducj, a tirâ dongje il public, al è stât il conciert dai Tre allegri ragazzi morti. La citât e à rispuindût in maniere straordenarie a un event che, te sô “edizion zero”, al à cumbinât cun sucès musiche, partecipazion e impegn civic, sostignint la sigurece sul lavôr e la memorie di Lorenzo Parelli. Un grant sucès, “che nus à fat viodi une citât di Udin vivarose, plene di energjie e partecipazion”, al à comentât Mattia Cilio, l’ideadôr e presentadôr dal event. (A.I.) – 04.05.2026