Storiis di une preson pes feminis

Une storie nassude di une esperience vere e profonde, vivude dal artist dentri de preson di alte sigurece pes feminis di Messine, dulà che al vuidât un laboratori teatrâl cun cualchi presonirie. Tindaro Granata al interprete “Vorrei una voce”, che al vierç la sezion “Nuove scritture” (Gnûfs scrits) vinars ai 9 tal Teatri “Verdi” di Pordenon. Granata nol met in sene la preson tant che un puest simbolic o astrat, ma pluitost al sielç un percors fragjil e autentic, dant vôs a cinc feminis, aes lôr peraulis, al lôr cidinôr e ai lôr siums. (A.I.) – 08.01.2026