Storiis di personaçs dismenteâts

Dopo il sucès a Tisane e Maian, al va indevant cu la tournée di “Il Friuli indimenticabile che abbiamo dimenticato”, un spetacul inmaneât e promovût de associazion Bottega Errante cu la poie de Fondazione Friuli e de associazion Leggermente. La leture e va in sene joibe al 1° Dicembar a Bagnarie in sale parochiâl e vinars ai 2 a Cordovât. Paolo Patui tant che contadôr, la atore Monica Mosolo e Elvis Fior, che al cree sul palc la colone sonore, a daran gnove vite a personaçs aromai dismenteâts: sportîfs straordenaris, impresaris previdents, feminis coragjosis, artiscj seducents e architets inovatîfs. (A.I.) – 30.11.2022