E je clamade “corâl libare” o “coro pop-up” par talian-inglês e si è difondude a nivel mondiâl. Il Comun di Staranzan al è il prin a dâ il benvignût a cheste esperience in regjon, sostignût di un grup di personis passionadis che a crodin cun fuarce tal valôr di une comunitât unide tal non de musiche condividude. “Time to Sing” al cjape dentri trê seradis di passâ adun par cheste prime session: joibe ai 4, miercus ai 10 e domenie ai 14 di Jugn, scomençant aes 8 e mieze sot sere inte sale Delbianco. La jentrade e je libare e vierte a ducj: chei che a vuelin passâ timp insiemi, chei che a cjantin za intune coral, chei che a presein la musiche, chei che a cjantin te doce, chei che a van ai concierts e chei che no son ancjemò mai lâts, chei che a scoltin la radio o i discs. Al è une vore sempliç: no bisugne savê cjantâ, cognossi la musiche o jessi in sintonie. Ce che al vovente al è dome la voie di sta ducj adun: une volte rivâts, ve Rudy Fantin – pianist, compositôr e insegnant, un dai musiciscj plui ecletics de sene regjonâl – che al proponarà une cjançon, un classic nazionâl o internazionâl, di imparâ ducj adun. Po dopo, al sarà dut plui facil. (A.I.) – 03.06.2026
Foto Cason-Asher
