Spetacui e ospits te “citât ideâl”

A Palme al è rivât il moment di “Dialoghi” (Dialics), il “festival de citât ideâl”, nassût par ufrî culture tant che dirit universâl e ben condividût intune sorte di grande place vierte là che il public al cjate gjornaliscj, storics, scritôrs, artiscj intun confront libar. Vinars ai 26, tal teatri “Modena” al sarà ospitât il climatolic Luca Mercalli e sot sere al sarà presentât il spetacul “My name is Nina”, un ritrat de cjantante jazz Nina Simone, scrit di Valerio Marchi, cjantât di Graziella Vendramin e cul grup formât di Alessandro Scolz, Romano Todesco e Emanuel Donadelli. Il festival “de citât ideâl” al va indevant fint a domenie ai 28 cuntune schirie di ospits: Stefano Mancuso, Luciana Castellina, Anna Foa, Alberto Pellai, Vanessa Roghi, Benedetta Tobagi e Riccardo Iacona, che al cjaparà il premi ae cariere dal festival. (A.I.) – 25.09.2025