Somaglino e Cisilino a puartin Chalandon sul palc

Si ferme a Roncjis di Monfalcon il gnûf event di “Anteprima Dedica 2026”, il zîr ator pal teritori che si davuelç dai 16 di Fevrâr ai 6 di Març in undis comuns dal Friûl-Vignesie Julie, par svicinâsi ae gnove edizion dal festival “Dedica”, programât dai 14 ai 21 di Març e dedicât al scritôr francês Sorj Chalandon. Vinars ai 27, tal Auditorium Comunâl, Massimo Somaglino al presentarà la leture seniche “Chiederò perdono ai sogni” (O domandarai scuse ai insiums), basade sul romanç di Chalandon cul stes non, compagnade de musiche dal vîf dal trombetist jazz Mirko Cisilino. (A.I.) – 26.02.2026