Sigfrido Ranucci sul palc di sene a Udin

Gjornalist, autôr di programs e une figure impuartante de television nazionâl pal so program di gjornalisim di ricercje une vore popolâr “Report” dal 2017, Sigfrido Ranucci al sarà protagonist di un spetacul teatrâl speciâl martars ai 7 tal plaçâl dal Cjistiel di Udin. Intal “Diario di un trapezista” al presente un Sigfrido segret, paralêl a chel che o sin usâts a viodi in onde, che par puartâ indenant lis sôs ricercjis al à vût di fâ sieltis che a àn condizionât par simpri la sô vite. La serade e je organizade de Zenit srl, in colaborazion cul Comun di Udin, te suaze dal calendari di UdinEstate. (A.I.) – 06.07.2026