Siet vôs par Nadâl tal “Teatron”

Nadâl tal Teatri gnûf “Giovanni da Udine” al lûs cun gnovis stelis. I Swingle Singers, il grup vocâl britanic di liende, vincidôr di cinc premis “Grammy” che al à tornât a definî il concet di musiche “a cappella”, cjapant dentri il public e i critics cuntun repertori che al messede stîi e gjenars diferents, a rivin domenie ai 14 a sunâ tal “Teatron” te suaze de stagjon di opare, oparete e danze firmade de diretore artistiche Fiorenza Cedolins. Par cheste ocasion, il grup a siet vôs al presentarà “Together at Christmas”, un spetacul che, dongje des cjançons di Nadâl, al torne indaûr ae lôr storie straordenarie, dai tocs classics e jazz ai lôr sucès plui resints Dedicâts ai spetacui di Broadway. (A.I.) – 12.12.2025