Sieradure de Masterclass di Miklós Perényi te vile dal marchês de’ Fabris di S. Ganzian

Si sierarà cuntun conciert cetant impuartant ai 26 di Lui tacant des 6 sore sere, inte vile dal marchês de’ Fabris di S. Ganzian, a Bean dal Teritori tal comun di S. Ganzian, le masterclass tignude dal violoncelist innomenât Miklós Perényi dentri des iniziativis par Go!2025 – Gurize capitâl europeane de culture.

L’event finanziât cun fonts talians e europeans, al fâs part dal progjet pensât dal Consorzio Culturale del Monfalconese – Ecomuseo Territorio par valorizâ lis dimoris storichis dal teritori dai Comuns cjapâts dentri, che tra chês e je ancje le vile dal marchês de’ Fabris. (a.d.g.) – 25.07.2025