Il lôr ultin album al jere jessût doi agns indaûr, tal Avrîl dal 2023: “Non credere a nessuno”, il sest de formazion di Pordenon, nassude daspò dal grant sucès dai Prozac+ tai agns Nonante e ancjemò vuidade di Gian Maria Accusani. Il gnûf disc de formazion che e à simpri savût scrivi cuntun lengaç dret e mudâ la pôre e il dûl – ancje chel pe muart de fondadore Elisabetta Imelio, masse adore cualchi an indaûr – – in energjie e veretât, al rivarà tal principi dal an che al ven. Par cumò, il grup che sul palc e tes fotos al plate simpri lis musis cuntun passemontagne, al è publicât une cerce: il toc e singul “Ho perso i sogni”, O ai pierdût i insiums. Juste in timp par fâ fieste come tai ultins agns, “in cjase” a Pordenon, sabide ai 20 li dal “Capitol” cu la cuinte edizion di “Parlami per sempre”, come simpri plene no dome di public, ma ancje di amîs sul palc, clamâts a dâ une man al grup: un altri sucès, za dut plen di un pâr di setemanis almancul! (A.I.) – 18.12.2025
Foto di F. Zanussi
