Si siere la rassegne dedicade a Mozart

La musiche di Wolfgang Amadeus Mozart, Ludwig van Beethoven e Antonio Salieri (a 200 agns de muart) e je protagoniste dal tritic che al siere la cuarte edizion di “Mozart e Dintorni”, la rassegne inmaneade dal Ente Regionâl Teatrâl dal Friûl-Vignesie Julie cu la associazion Mozart Italia. L’apontament al è vinars ai 10 te glesie di S. Francesc, cu la corâl venite Kairos Vox, nassude tal 2015, e la orchestre dai zovins Filarmonici Friulani, che in dîs agns di cariere e à fat passe 300 concierts. Pe ocasion e sarà direte di Alberto Pelosin, cu lis vôs dai soliscj Alice Fraccari, Chiara Turchetto, Samuel Manhica Jr. e Alberto Spadarotto, che a vegnin di esperiencis diferentis. (A.I.) – 09.10.2025