Si siere a Feagne la rassegne teatrâl dal “Vittoria”

La rassegne inmaneade de associazion Rime Mute in colaborazion cul comun di Feagne e je daûr a finî. Par dut il mês di Jugn, la fieste e mudât il teatri “Vittoria” e il centri storic dal paîs intun lûc di incuintri di musiche, intratigniment e culture. L’ultin fin de setemane dal program si vierç vinars ai 26 su la terace dal teatri “Vittoria” cun “Jazz Night – esercizis di stîl”, cu la cubie storiche metude adun dal pianist Mauro Costantini e dal ghitarist Denis Biason, che a puartaran il public intun viaç musicâl a traviers dal jazz, de musiche classiche e de improvisazion. Il festival si siere sabide ai 27 cu la “Violin Night”, une serade dedicade al incjant dal grant repertori pal violin. Sul palc di sene, la romane Stella Canocchi e il pianist furlan Matteo Di Bella a presentaran un program che al esplore cualchidune des oparis plui amadis par violin e piano. (A.I.) – 25.06.2026