Sgarbi a Cjasarse dopo dimissions e polemichis

Dopo lis polemichis politichis e lis dimissions di sotsegretari ae Culture, Vittorio Sgarbi al torne a puartâ ator lis sôs lezions spetacul, ospit de stagjon dal Ert F-Vj. Joibe ai 8 tal Teatri Pasolini, il critic di art al presentarà “Pasolini-Caravaggio”, un spetacul e une conte su lis figuris di Michelangelo Merisi e Pier Paolo Pasolini. La conte di un artist cetant contemporani, riscuviert intune epoche orientade a fuart ai valôrs de realtât. Intun spetacul dut di scoltâ e di viodi, il critic al à creât une simetrie cun Pasolini, leât al pitôr dal vê lescjât polemichis traviers lis sôs modalitâts artistichis e di vite, puartant il public dentri di dôs storiis rivoluzionariis. (A.I.) – 07.02.2024