Daspò dal sucès de prime edizion, al è tornât il progjet di teatri contemporani inmaneât dal CSS – Teatri stabil di inovazion dal F-Vj adun cu la fondazion dal Teatri gnûf “Giovanni da Udin” e in colaborazion cul assessorât ae culture dal comun di Udin par produsi une schirie di visions jenfri i teatris de citât. Dai 28 di Fevrâr e fint ai 15 di Avrîl, “Itinerari nel teatro contemporaneo” (Itineraris tal teatri contemporani) al puarte cinc spetacui e une cunvigne tal Teatri gnûf e tal Palamostre par un viaç dilunc dai trois di autôr de sene taliane e europeane, sierant cu la ‘prime volte’ in regjon di un dai grups plui visionaris de Europe, i cul gnûf spetacul “Chroniques”. Daspò di Emma Dante, une des vôs plui origjinâls e fuartis dal teatri talian di vuê, domenie ai 8 di Març, tal Palamostre di Udin, si presennte “Come gli uccelli” di Wajidi Mouawad, premi Ubu 2024 pal miôr test forest: une storie di identitât e memorie. Tes setemanis che a vegnin, a son in program “L’empireo” pe regjie di Serena Sinigaglia, Peppino Mazzotta cun“Radio Argo Suite” e compagnie belgjiche Peeping Tom”e cuntune esplorazion dal timp che al passe, messedant teatri, danze e arts visivis. (A.I.) – 07.02.2026
Foto di G. Di Stefano
