SAFest, i ultins apontaments a Udin

Si siere vinars ai 25 daspò di cinc dîs di incuintris e spetacui a Udin il “SAFest – Summer Academy Festival”, la scuele dal Istât de civiche academie de art dramatiche “Nico Pepe” cun arlêfs, docents, professioniscj e scuelis di teatri rivâts de Cine, Turchie, Gjeorgjie, Stâts Unîts, Gjermanie, Gjapon… I ultins spetacui vierts al public a son “The Four Elements: Water”, par cure di Julie Stanzak, che e à fat ogni dì un laboratori par arlêfs, e “Le magnifiche storie per restare vivi” dai arlêfs dal tierç an de “Nico Pepe”, di pôc presentade cuntun grant sucès tal teatri di Casablanca, la che e à vinçût doi premis! (A.I.) – 24.07.2025