Ruggero “al torne a Udin” ancjemò une volte

Citant une sô cjançon, “Torna a Udine”, Ruggero de I Timidi al torne a cjase pe tape udinese dal zîr che al è daûr a jemplâ ogni lûc in ducj i teatris talians. L’apontament cul artist furlan Andrea Sambucco, che di agns al è a stâ a Milan, al è sabide ai 23 li dal Teatri Palamostre di Udin cun “La grande timidezza”, cu la sô femine Fabiana Incoronata Bisceglia. Un spetacul musicâl là che a convivin “inteligjence artificiâl e stupiditât naturâl, realtât virtuâl e massaçs romantics, viaçs intal timp e cjançons”, tra vecjos e gnûfs sucès. (A.I.) – 21.03.2024