Ridi par rifleti cui Papu

Ridi par rifleti, divertîsi par capî che il timp dal nestri planet al è daûr a finî. Daspò dal spetacul dal an passât dedicât a cemût doprâ in maniere cussiente la tecnologjie, il Noi Circolo San Francesco di Cordenons al torne a fevelâ cui zovins e cu la comunitât cuntun altri event teatrâl ideât, inmaneât e puartât in scene dai Papu. Martars ai 3, il palc dal Centri culturâl “Aldo Moro al ospitarà Andrea Appi e Ramiro Besa cul spetacul “Tutti su per terra”, inspirât de encicliche “Laudato si’” dal pape Francesc: no dome un test teologjic, ma un document politic e sociâl. Di buinore, e sarà presentade une version adatade par un public zovin, presentade ai students de scuele medie di Cordenons “Leonardo Da Vinci”. La serade, si fâs une repliche tal stes puest, a jentrade libare par ducj e cence sore nuie. (A.I.) – 02.03.2026