Ridi in blanc e neri cui Papu

I miôr tocs comics dal vincjesim secul interpretâts in stîl Papu. Andrea Appi e Ramiro Besa a puartaran “Vintage, comicità in bianco e nero” (Comedie in blanc e neri) sul palc di sene dal TeatrOrsaria di Premariâs, vinars ai 12. Il spetacul, che al à za vendût ducj i biliets, al tornarà tal Circuit ERT tal 2026 par dôs seradis spetacui: ai 14 di Març tal Teatri “Italia” di Pontebe e ai 28 di Març tal Auditorium di Prissinins. Il spetacul al è dedicât ai ricuarts di une comedie che no esist plui e ae television in blanc e neri che e trasmeteve tocs di ridi memorabii, fats di autôrs e atôrs che a vevin une cualitât che forsit no si cjate plui in dì di vuê. (A.I.) – 11.12.2025