La stagjon di prose dal Teatri gnûf “Giovanni da Udine” e va indevant cuntune opare mestre assolude. Dai 3 ai 5 di Fevrâr, il palc di sene al ospitarà il Ricart III” di William Shakespeare, pe regjie di Antonio Latella e cun protagonist Vinicio Marchioni. La comedie, che e je part de stagjon sostignude ancje de Fondazion “Friuli”, e sarà compagnade di doi incuintris di profondiment par “Casa Teatro”: ai 3 di Fevrâr cun Peter Brown, diretôr de British School dal F-Vj, e ai 4 cul stes Vinicio Marchioni, la compagnie di produzion e Elena Commessatti che e presentarà l’event. Il test al è un cuadri cence pietât ator dal podê, scrit di Shakespeare jenfri il 1591 e il 1592, Ricart III al è l’ultin cjapitul di une tetralogjie che e jere scomençade cun Indrì VI e e je dedicade ae storie inglese: in chest câs, al atrat dal mâl. (A.I.) – 02.02.2026
Foto di G. Pantaleo
