Remo Anzovino in regjon, di bessôl al piano

L’album al è vignût fûr la Vierte passade e al è stât daurman un sucès. “Don’t Forget to Fly”, il prin dut sunât di bessôl al piano di Remo Anzovino, al è deventât daurman un tour che al è daûr a zirâ la Italie: un progjet che al tradûs in sun il sium e la dibisugne dai oms di svolâ. Intal conciert dal vîf, il pianist e compositôr di Pordenon al propon dute la suite in plui o mancul 40 minûts e al traspuarte il public inte dimension oniriche dal svol. Inte seconde, ducj i sucès dai altris albums jessûts e des colonis sonoris plui impuartantis. In Març, Remo al sarà ancje a Udin, ma intant miercus ai 14 al proponarà il so conciert tal Teatri “Miela” di Triest. (A.I.) – 13.02.2024

Foto di S. Di Luca