Regâl pai 100 agns dal “Tomadini”: un cine

Pai siei cent agns, il Conservatori “Tomadini” di Udin si regale un cine: joibe ai 10 tal Visionario aes 7 sot sere e je in program la proiezion in anteprime di “The Journey”, il documentari di une nassite musicâl, une produzion dal Tomadini ideade, scrite e direte dal innomenât violoncelist e compositôr Jorge Andrés Bos. Pe prime volte e rimbombarà la partidure inedite “The Journey”, il cuintet par piano e arcs, componût e interpretât dal stes Bos sui viers de poetesse inglese Christina Rossini, sunât inte Glesie di S. Martin a Dartigne. Un esecuzion speciâl, cenglâts dal respîr des culinis e insuazâts de magjie dai afrescs rinassimentâi dal pitôr furlan di origjins bavaresis Gian Paolo Thanner. (A.I.) – 09.04.2025