Recuie par Mozart e Tiepolo

A 270 agns de nassite di Wolfgang Amadeus Mozart, il “Festival European dal Tiepolo e dal Sietcent in Europe” al celebre il gjeni classic de musiche europeane cuntune interpretazion dal “Recuie in re minôr, K. 626” propit tal dì de muart dal pitôr venezian. Vinars ai 27, tal Domo di Udin, un grup larc fat de Corâl dal Friûl-Vignesie Julie, grancj soliscj tant che la sopran Mara Corazza, la mieç sopran Marianne Acito, il tenôr Enrico Basso e il bas Kevin Baliviera, adun cu la Fvg Orchestra direte di Paolo Paroni, a daran il sun e la vôs a chest afresc di sunôrs dal Sietcent. L’event al torne a puartâ a Udin lis ecelencis musicâls regjonâls dutis adun, cuntun conciert dulà che il dolôr, la supliche, la compassion e la sperance a trasformin la liturgjie dai muarts intune meditazion universâl ator de cundizion umane. E ancje par celebrà un altri aniversari: i 330 agns de nassite di Giambattista Tiepolo. (A.I.) – 26.03.2026