La citât di Udin e torne ancjemò une volte la capitâl dai grancj events e si prepare par tornâ a vierzi il stadi pai grancj concierts, dongje dal plaçâl dal Cjistiel, là che la musiche e je za tacade di cualchi dì. In gracie de colaborazion cul Comun di Udin, la Regjon F-Vj e la societât Udinese Calcio, une des vôs talianis plui amadis dal mont, Eros Ramazzotti, al sarà sabide ai 6 tal stadi Friul-Bluenergy pe prime date dal so gnûf tour e di cualchi dì si viodin lis sôs fotos dal palc, intant che al prepare i concierts. Dopo tancj agns, si spiete ancje che al torni Vasco Rossi, cun no une ma dôs datis, ai 28 e ai 29 di Jugn, za vendudis fûr par fûr. Po dopo, ai 4 di Lui, la tierce stele dal stadi e sarà Zucchero. Intant, tal Cjistiel si spietin i concierts dai Beat, di Madame, di Tony Pitony, che al à vendût ducj i biliets par dôs seradis, e une vore di altris. (A.I.) – 05.06.2026
Foto di F. Prandoni
