“Cin Ci Là”, une des oparetis talianis di plui sucès, intal 2025 e fâs cent agns. La compagnie Corrado Abbati e celebre cheste ricorence cuntun gnûf spetacul, in prime nazionâl tal Auditorium “Marin” di Grau vinars ai 24 pe stagjon promovude dal circuit dal ERT e de aministrazion comunâl. La oparete e je stade componude di Virgilio Ranzato (musiche) e Carlo Lombardo (libret) e il debut al fo ai 18 di Dicembar dal 1925 al Teatri “Del Verme” di Milan. Il grant sucès si dêf ae trame comiche e lizere, ae ambientazion e ai temis, tratâts dal autôr simpri cun ironie e buine gracie. (A.I.) – 23.01.2025
Prime nazionâl par une oparete centenarie
40