Presentadis lis Zornadis dal cine mût di Pordenon

Un prin plan di Dorothy Mackaill, dal cine “The Man Who Came Back” di Emmett J. Flynn, e je la imagjine de cuarantesime cuarte edizion des Zornadis dal cine mut di Pordenon, dai 4 ai 11 di Otubar tal teatri “Verdi”. La rassegne direte di Jay Weissberg , che e je stade presentade dai organizadôrs di Cinamazero, e je la ocasion par un viaç tal timp che al ufrîs moments di riflession e di confront cul dì di vuê. Le propuestis a van in ducj i Paîs e ducj i gjenars, dal kolossal al cine di autôr, dal documentari ae animazion. La anteprime ai 3 di Otubar a Sacîl cu la opare mestre di Buster Keaton “The Cameraman” (1928), e la musiche dal vîf de Zerorchestra. Il dì dopo la scree uficiâl tal “Verdi” cul talian “Cirano di Bergerac” di Augusto Genina e lis musichis de Orchestre di cjamare di Pordenon direte di Ben Palmer. Par sierâ, ancjemò Buster Keaton cun “Our Hospitality” dal 1923 e musichis dal compositôr sloven Andrej Goričar, ancje diretôr de Orchestra of the Imaginary di Lubiana. E la atualitât e jentre ancje in peliculis di cent e passe agns indaûr, fevelant di Ucraine, Vuere grande e Ucraine. (A.I.) – 12.09.2025