Premi Candoni: il vincidôr al rive sul palc

Miercus ai 7 al Teatri Gnûf “Giovanni da Udine” si presente in sene la opare vincidore dal premi nazionâl di dramaturgjie contemporanie intitulât al dramaturc cjargnel Luigi Candoni, organizât de associazion che e cjape il non di un autôr pal teatri che al è stât ancje animadôr e autôr di une riviste di avanvuardie, “Orazero”. Tra lis 61 oparis esaminadis, che a vegnin di dute Italie, chê dal sicilian Massimo Vazzana e je stade judicade tant che la miôr, tal Jugn passât. Cumò e viôt la lûs “Mendez e Brazo”: une comedie vivarose, costruide cun ritmi, che e tocje un teme delicât, chel dal passaç ae etât adulte. Dopo il debut, repliche ai 17 di Dicembar al Teatri Candoni di Tumieç pal circuit dal Ert. (A.I.) – 06.12.2022