Pordenon: anteprime dal festival dal piano

Prin che dute la citât e tachi a sunâ cui pianos di vinars ai 19 a domenie ai 21 di Jugn, il festival “Piano City” di Pordenone- une maratone musicâl di trê dîs cun plui di 100 concierts a jentrade libare – al impiarà la musiche cuntun conciert di anteprime. Joibe ai 4 aes 9 sot sere, il “Molino Pordenone” di Largo San Giacomo, al ospitarà il “Factory Concert” (ven a stâi, il conciert in fabriche) “Musica felice” par cure dal Minimal Klezmer. Il cuartet al è stât formât a Londre tal 2011 di cuatri musiciscj cuntune fuarte formazion classiche e une passion declarade pe musiche klezmer, la tradizion musicâl des orchestris ambulantis de Europe orientâl dal inizi dal vincjesim secul. (A.I.) – 03.06.2026