Polinote, la musiche cence barieris

La decime seconde edizion dal “Polinote Music Festival” a Pordenon e va di là des barieris cun dîs apontaments dal jazz al pop, de classiche al rock, e cuntun grant spazi pe sene musicâl feminine e i gnûfs talents. La rassegne direte di Francesco Bearzatti e je un progjet che al puarte atôr la idee di une musiche di là dai confins di ogni sorte par stiçâ un public simpri plui grant e inricjî la ufierte culturâl dal teritori. Si tache martars ai 10 tal ex convent di S. Francesc e il gnûf progjet a metât jenfri jazz e classiche dai musiciscj Lorenzo Tonon e Giuditta Franco. Il dì dopo, il Fedra Ensemble di Simona Severini, che al cjape dentri 600 agns di storie de musiche, di Monteverdi a Lucio Dalla. Tal fin de setemane, e rive la orchestre di cjamare Capella Calliope cui miôr students de universitât di Graz e ai 21, pe Fieste de musiche, fûr dal teatri e cjantarà Karima, la uniche taliane produsude di Burt Bacharach. Chei altris apontaments vie pal Istât fint a Setembar. (A.I.) – 09.06.2025