Plen di furlans ae rassegne jazz di L’Aquila

Di agnorums al è un dai fotografs di spetacui plui preseâts in regjon, e no dome. La sô passion pe musiche jazz soredut e je cussì grande che il sanzorzin 𝐋𝐮𝐜𝐚 𝐀. 𝐝’𝐀𝐠𝐨𝐬𝐭𝐢𝐧𝐨 al è stât sielt par jessi un dai trê diretôrs artistics dal festival che si davuelç a L’Aquila: “Il jazz talian pes tieris dal taramot”. Adun cun Silvia Bolognesi e Filippo d’Urzo, Luca al è prontât la decime prime edizion de rassegne. Ai 6 e ai 7 di Setembar a saran passe 300 i musiciscj a sunâ a L’Aquila: ancje grups formâts pe ocasion e tancj di lôr furlans, di Nicola Tirelli a Flavio Zanuttini, di Nicoletta Taricani e Alessio Zoratto a Giovanni Miaer, il progjet “La Buona Novella” e la corâl Le Colone di Cjasteons. Domenie ai 7 il moment centrâl, tal Parc de memorie, cuntun grant conciert par memoreâ i muarts dai doi taramots: chel dal 1976 in Friûl e chel dal 2009 a L’Aquila. (A.I.) – 05.09.2025