Playa Desnuda, une fieste pai vincj agns dal grup

Vincj agns di ativitât a son un travuart cetant biel, soredut par un grup musicâl talian nassût cuasi par gust, ma che vie pai agns al à savût fâsi preseâ prime a cjase sô e po dopo ator pe Europe, soredut in Spagne, vierzint i concierts di Manu Chao, Fatboy Slim… I Playa Desnuda a fasaran fieste cuntun event special, domenie ai 15 di Jugn sul cjistiel di Udin, la citât là che tal 2005 Michele Poletto, Walter Sguazzin, Jvan Moda e Pietro Sponton – e po dopo ancje Nico Rinaldi – a àn tacât a sunâ insiemi. Il spetacul al tornarà a proponi i vincj agns di storie dal grup, dal prin disc “Ready, Steady, Pops!”, ai tocs origjinai scrits par “10” , fint aes ultimis produzions. (A.I.) – 13.05.2025